ფორთოხლის კექსი შოკოლადის მინანქრით

მომზადების წესები:
4 ცალ ფორთოხალს გავაცალოთ ქერქი. შემდეგ გავწუროთ 4-ივე ფორთოხალი და დავასხათ ცედრას. დავამატოთ 4 კვერცხი, ზეთი, ვანილი, მწიკვი მარილი, კონიაკი, შაქარი. კარგად ავთქვიფოთ და დავაცრათ ფქვილი და გამაფხვიერებელი. უნდა მივიღოთ არაჟნის სისქის ცომი.

ჩავასხათ ზეთწასმულ ფორმაში და შევსვათ წინასწარ გახურებულ ღუმელში 160 გრადუსზე. ვაცხოთ 55წუთის განმავლობაში. რომ გამოცხვება შევაგრილოთ და მოვასხათ შოკოლადის მინანქარი, რომელსაც შემდეგნაირად მოვამზადებთ:
კაკაო, შაქარი და რძე შევურიოთ ერთმანეთს და დავდგათ დაბალ ცეცხლზე. ვადუღოთ 3 წუთი და შევურიოთ კარაქი. მოვასხათ კექსს და ზემოდან მოვრთოთ სურვილისამებრ(ფორთოხლის ცუკატებით ან მისივე მურაბით,თუნდაც ფორთოხლის  ცედრით).