ფუნთუშები მოხარშული რძით და ქოქოსის ფანტელით

მომზადების წესები:
თბილ რძეში ჩავყაროთ 1 ჩაის კოვზი შაქარი და დროჟი, მოვურიოთ და გავაჩეროთ 20წთ.

გავცრათ ფქვილი, დავაყაროთ შაქარი, მწიკვი მარილი, ჩავახალოთ კვერცხი, დავასხათ გამდნარი შეგრილებული კარაქი და ამოსული რძე. მოვზილოთ ცომი და ვზილოთ 5-7 წუთი. დავდოთ თბილ ადგილას და დაველოდოთ ამოსვლას.

როდესაც ცომი კარგად ამოვა, გავაბრტყელოთ და მივცეთ ოთხკუთხედის ფორმა. წავუსვათ მოხარშული შესქელებული რძე და მოვაყაროთ ქოქოსის ფანტელი.

გადავახვიოთ ცომი რულეტისებურად და გავყოთ 9 ნაჭრად. დავალაგოთ ცხიმწასმულ ტაფაზე, (დაჭრილი მხარე ზემოთ ვუქციოთ) გადავაფაროთ ნაჭერი და გავაჩეროთ 25 წუთი.

შევსვათ გახურებულ ღუმელში, საშუალო ცეცხლზე და შუა თაროზე. ვაცხოთ 30წუთი, გამოვიღოთ და ბოლოს შეგრილებულს მოვაყაროთ შაქრის პუდრა.