ქათმის ფილე ნიგვზით

მომზადების წესები:
ჩავაგდოთ კარაქი ქვაბში, ჩავყაროთ დაჭრილი ფილე და ვშუშოთ, შიგადაშიგ ამოვურიოთ. როცა დარბილდება, ჩავყაროთ წვრილად დაჭრილი ხახვი.

ხავხვი რომ შეწითლდება, დავასხათ წყალი, ისე რომ ხორცი დაიფაროს.

ძმარში გავხსნათ ხმელი ქინძი, უცხო სუნელი, ყვითელი ყვავილი, დაჭყლეტილი ნიორი და ჩავასხათ ქვაბში, კარგად ამოვურიოთ.

გატარებულ ნიგოზში ავურიოთ ფქვილი და ჩავყაროთ ქვაბში, ვურიოთ. ბოლოს ჩავყაროთ პილპილი, მარილი, წითელი დაღერღილი წიწაკა და დაჭრილი ქინძი, ამოვურიოთ და მივირთვათ.