უგემრიელესი გუფთა

მომზადების წესები:
მზა ფარშს დავუმატოთ ნახევრად მოხარშული ბრინჯი, გატარებული ხახვი, მწვანე ქინძი, წითელი დაღერღილი წიწაკა, უცხო სუნელი, მარილი გემოვნებით, 1 ცალი კვერცხი ხარშვის დროს გუფთა რომ არ დაიშალოს. გავაკეთოთ პატარა ბურთები და გამოვიყენოთ სურვილისამებრ.

წვნიანისთვის - ავიღოთ საშუალო ზომის ქვაბი, ჩავსხათ 2 ლიტრი წყალი, ჩავყაროთ გამზადებული გუფთები და დავდგათ ცეცხლზე. მანამდე დავჭრათ კარტოფილი კუბიკებად და როდესაც წყალი ადუღდება ჩავყაროთ გარეცხილ ბრინჯთან ერთად.
ცალკე ტაფაში მოვშუშოთ ხახვი და სტაფილო, დავუმატოთ უცხო სუნელი, პილპილი, როდესაც შეწითლდება ვუმატებთ წინასწარ წვრილად დაჭრილ პომიდორს. ვშუშოთ 5 წუთი და დავუმატოთ მოხარშულ გუფთას. წამოვადუღოთ ერთხელ კიდევ, ჩავაჭრათ ქინძი, რეჰანი და შევაგემოთ მარილით.