ქათმის ხორცის სალათა იმერულად

მომზადების წესები:
შემწვარი ქათმის რბილი ხორცი დავჭრათ წვრილ და თხელ ნაჭრებად. დავუმატოთ თხლად დაჭრილი მოხარშული კვერცხი, დაკეპილი ახალი სალათა, ბროწეულის მარცვლები, პილპილი, მარილი, ახალი კამა, წმინდად დაჭრილი მწვანე ხახვი, სუსტ ღვინის ძმარში გახსნილი, დანაყილი ნიგოზი და დაკეპილი ხახვი.

მომზადებული ნიგვზის საწებლით შევაზავოთ ქათმის ხორცი და ავურიოთ კარგად ერთმანეთში. როდესაც მზად იქნება, მოვათავსოთ ლანგარზე, მოვაყაროთ დაკეპილი ახალი ტარხუნა და ბროწეულის მარცვლები.