შავი ქლიავის ჩირი

მომზადების წესები:
გავრეცხოთ ქლიავი კარგად, გამოვკურკოთ და დავაწყოთ სინზე. დავალაგოთ მზეზე და გადავაფაროთ მარლა.დავტოვოთ მზეზე დაჩირებამდე.

უკვე დაჩირებული ქლიავი მჭიდროდ ავასხათ ძაფზე და ჩავდოთ მდუღარე წყალში, რომელშიც გახსნილი იქნება 2 ლიტრ წყალზე - 1 ჭიქა შაქარი და 3 სუფრის კოვზი მარილი. გავაჩეროთ ჩირი წყალში 2 წუთი, ამოვიღოთ ჩირი და გავაშროთ მზეზე.

შემდეგ კი შევინახოთ ქსოვილის ან ქაღალდის პარკში გრილ ადგილას.

წლებია ამ მეთოდით ვაკეთებ ჩირს და ჭია არასდროს გასჩენია.