ატმის კომპოტი

მომზადების წესები:
გავრეცხოთ ატამი და ჩავყაროთ ქილაში, დავაყაროთ შაქარი და დავასხათ წყალი პირამდე. დავახუროთ ხუფი და ჩავდგათ ქვაბში დასასტერილებლად.

ჩავასხათ ქვაბში იმდენი წყალი, რომ ქილა დაიფაროს ნახევრად. შევუნთოთ ცეცხლი და ადუღებიდან დავნიშნოთ დრო, 30-40 წუთი საკმარისია სტერილიზაციისთვის.

ამოვიღოთ ქილა და მოვხუფოთ. ქილა ამოტრიალებულ მდგომარეობაში დავდოთ და როცა გაცივდება შევინახოთ ბნელ და გრილ ადგილას.